Bravó, en meira þarf til

Það er full ástæða til þess að fagna þessu. Vonandi verða vegfarendur varir við þetta í því formi að ferðatími styttist, sérstaklega á álagstímum.

En það þarf meira til. Til eflingar umferðaröryggis ætti að stefna á að hætt alfarið notkun umferðarljósa og leysa málið á annan hátt. Það mætti byrja á því að fjarlægja fimm slík í Grafarvogi, það ætti að vera auðvelt og mun gera umferðina öruggari. Ég skora á heilbrigðisráðherra og íbúa í Grafarvogi að koma því til leiðar og minnka þar með álagið á sjúkrahúsin.

Þangað til umferðarljósin verða öll, mætti bæta við búnaði sem skynjar að akstur gegn rauðu ljósi er um það bil að fara að eiga sér stað, búnaði sem vekur ökumanninn sem er annars hugar, og koma þannig í veg fyrir slys. Það er hægt, rétt eins og hægt er að standa menn að verki.

Umferðarljósum nú miðstýrt

Athugasemdir

[Jón Svavarsson, 26.9.2007 kl. 23:11]

Orð í tíma töluð og aldrei of mikið af gagnrýni á skipulagsmálin.

Kær kveðja

[Herdís Sigurjónsdóttir, 29.9.2007 kl. 21:43]

Heill og sæll rakst á þig á blogginu hjá Jóni Svavars og ákvað að upplýsa þig um mál sem þú spurðir mig um í vor. Ég sagði þér frá því að við hefðum ályktað um bílbeltin í fræðslunefnd. Þegar við fórum í útboð á skólaakstri í Mosfellsbænum í vor gerðum kröfu um bílbelti og eru því allir skólabílar nú með bílbeltum.