Bravó

Loks kom einhver og sagði það sem segja þurfti. Færum Vesturlandsveg þannig að hann fari á milli Mosó og Reykjavíkur upp á Álfsnes og þaðan upp á Kjalarnes. Síðan þarf að laga leiðina úr Grafarvogi yfir Gullinbrú niður að Ártúnsbrekku. Sundabrautarklæðin eru enda orðin eins og sagan um nýju fötin keisaranns, þau leysa engan vanda.

Varar við Sundagöngum

Skrár tengdar þessari bloggfærslu:

• Vesturlandsvegur

Athugasemdir

[Björn S. Lárusson (IP-tala skráð) 30.3.2008 kl. 08:18]

Sæll Birgir

Menn geta deilt um hvort göng séu lausn eða ekki. En þessi rök minna óþægilega þegar við Skagamenn beittum okkur fyrir lagningu Hvalfjarðarganga. Þá gekk maður undir mann að dæma göngin norður og niður og sagt var að þau lækju og mundu aldrei gagnast. Það var gengið svo langt að krefjast fangelsunar á okkur fyrir að gera göngin og sóa almannafé - sem reyndar var ekki þar sem þau voru gerð fyrir lánsfé með veði í göngunum sjálfum. Margir verkfræðingar bölvuðu okkur í sand og ösku. Þeir hafa nú pissað aftur upp í vindinn með þessari athugasemd við Sundagöng.

kveðja

Björn Lár 

[Nöldrarinn (IP-tala skráð) 30.3.2008 kl. 09:23]

Eitt er það sem mér þykir lakast ef vegur verður lagður yfir vogana vestan við Staðarhverfið og Mosó og það allt saman er að tapa þessari óspilltu og fallegu strandlengju. Það er alveg óskaplega gaman að labba þarna um með krökkum, nöldrarinn á einmitt þess háttar göngutúra á "harða disknum" í kolli sínum. Fjaran er ótrúlega hrein og þrifaleg oftast nær og þarna má sjá fugla af öllum tegundum - misjafnt eftir árstímum að sjálfsögðu - seli og náttúrulegan gróður bæði í sjó og á landi. Það verður mikil eftirsjón í því þegar þetta verður allt horfið undir veg.

[Kjartan Pétur Sigurðsson, 30.3.2008 kl. 11:03]

Það má spara ca. 10 Km fyrir þá sem fara úr miðbæ RVK út á Kjalarnes með því að leggja göngin um eyjarnar. Einni má beina stórum hluta af umferðinni fram hjá viðkvæmum byggðunum á leiðinni.

[Vigfús Eyjólfsson (IP-tala skráð) 30.3.2008 kl. 16:43]

Vesfjarðagöngin eru í mun eldra bergi en Hvalfjarðargöngin. Við gerð þeirra var svo mikill leki að hlé varð að gera á gerð þeirra á meðan heiðarvatn tæmtist niður í þau. Leki við gerð ganga undir sjó er líka mögulegur og mun erfiðara að fást við hann.

[Kjartan Þór (IP-tala skráð) 30.3.2008 kl. 21:18]

Það er eitt í þessu málefni sem enginn virðist nefna, höfuðborgarsvæðið er á "virku" eldsvæði, það er að gos hafa orðið á sögulegum tíma í fjöllunum hér í kringum okkur og við höfum sem stendur nokkrar flóttaleiðir.

1. Sjóleiðin, að öllum líkindum gengur ekki að rýma svæðið með skipum
2. Suðurlandsvegur, liggur á milli Hengils og Bláfjalla, sem eru þau svæði sem eru líklegust til að gjósa á þessu svæði.
3. Vesturlandsvegur,  sem er ekki nægilega stór til að rýma svæðið.
4. Reykjanesbraut og fyrir Reykjanesið en sú leið liggur með fram Bláfjöllum og gegnum Hafnarfjarðarhraun sem er sennilega yngsta bergið á svæðinu.

Eru þetta ekki atriði sem ætti að taka með í umræðuna um umferðarmannvirki kringum höfuðborgarsvæðið