Vanskráning?

Árið 2003 slösuðust í umferðinni á Íslandi 2933 einstaklingar samkvæmt skráningu trygginafélaga. Flestir slösuðust í aftanákeyrslum eða 35%. Í öðru sæti voru slys þegar ekið var útaf eða í 24% tilfella. Búið er að meta 21% einstaklinganna sem slösuðust árið 2003 í varanlega örorku eða 613 einstaklinga.

Samkvæmt Hagstofu Íslands létust 23 einstaklingar í umferðinni þetta ár, 145 slösuðust alvarlega og 1076 hlutu minniháttar áverka, samtals 1244. Hvað skýrir þennan mun?

Athugasemdir

[Olafur (IP-tala skráð) 12.1.2007 kl. 14:41]

Hagstofa Ísland fer eftir tölum sem hún fær frá Slysaskráningu Umferðarstofu sem eru svo unnar út frá öllum umferðaróhöppum sem voru tilkynnt til lögreglu.

sjá Umferðarslys á Íslandi 2003

[Birgir Þór Bragason, 12.1.2007 kl. 15:00]

Það skýrir ekki þennan mun. Hvað slösuðust margir í umferðinni árið 2003. Hve margir alvarlega? Það kemur fram að 613 voru metnir með varanlega örorku. Er það ekki að slasast alvarlega? 613 vs. 145

[Ólafur (IP-tala skráð) 15.1.2007 kl. 11:30]

Því miður eru meiðsl s.s. hálshnykkir oft meiðsl sem koma ekki fyrr en nokkrum tímum seinna.  Eingöngu eru skráð meiðsl á einstakling ef hann hafi verið ekið á sjúkrahús með lögreglu, sjúkrabíl eða hann láti lögreglu vita að hann hafi farið á sjúkrahús vegna meiðsla sem einstaklingurinn hlaut í umferðarslysi. 
Þar af leiðandi er ekkert skrítið að misræmi eru í tölunum. 

Hálshnykkir eru t.d. meiðsl sem mjög erfitt er að fylgja eftir í skráningunum hjá Umferðarstofu og geta oft verið alvarleg s.s. brjósklos.