Er í lagi að stela?

Hér hefur einhver stolið mynd því ekki hef ég skrifað á eitt orð á þessa síðu. Eigendur síðunnar sá sóma sinn í að fjarlægja myndina.

Garðabær

Í Garðabæ urðu um 1000 árekstrar í fyrra. Það eru þrír á dag.

 

Ætli bæjarstjórinn viti af þessu?

 

Garðabær er 39 ferkílómetrar. Það eru um 3,6% af Stór-Reykjavíkursvæðinu. Reykjavík er 273 ferkílómetrar. Það eru 26% af Stór-Reykjavíkursvæðinu. Í Reykjavík urðu um 10.000 árekstrar í fyrra. Það eru 27 á dag. Garðabær kemur betur út.

 

Ætli borgarstjórinn viti af þessu?

 

 

Í grófum dráttum

Á Íslandi eru eknir þrír miljarðar kílómertrar á ári. Það eru um 100 kílómetrar á sekúndu.

 

Slysin kosta 30 miljarða á ári.

 

Það gerir 1000 krónur á sekúndu, sem sagt 80 milljónir á sólahring.

 

Það seljast um 300 milljónir lítra af eldsneyti á ári.

 

Ríkið fær um 20 miljarða í sinn vasa fyrir þá.

 

Aðrar tekjur ríkis af bílum eru annað eins og mjög ríflega það.

 

 Slysum fjölgaði um ríflega þriðjung í fyrra og fjölgar enn.

 

Gera ríki og sveitarfélög nóg til að koma í veg fyrir slysin? Hvað finnst þér? 

Ótrúlegt, sóðalegt og svindl

Þetta er eitthvað það mesta rugl sem ég hef orðið vitni að í íþróttum. Keppnisstjóri keppninnar á þar mesta sök. Hann skipaði liði, sem Rasmussen var í, að reka hann úr liðinu og varð að ósk sinni. Rasmussen var ekki á lyfjum né braut hann reglur um lyfjasýnistökur.

Spánverjinn Contador sigraði í Tour de France

Hækka hjólaaldurinn í 18 ára

Er það ekki alltaf eina lausnin sem fólk hefur á takteinum, þessir sem nenna ekki að skoða málin í heild sinni.

Barn hjólaði á mikilli ferð á bíl

Biðin langa

Hér

Hvað er rétt?

Í þessari frétt er sagt að 51% tjóna eigi sér stað í Reykjavík einni. Það eru þá sennilega líka 51% slysa þar einnig. Sagt er að í Reykjavík einni hafi 1.234 slasast á árinu 2006. Yfirfærum það á landið allt og út kemur að 2.420 hafi slasast á Íslandi árið 2006. Samkvæmt gögnum Umferðarstofu létust og/eða slösuðust á landinu öllu 1.358 árið 2006.

Sá er hér skrifar hefur lengi haldið því fram að opinberar tölur um umferðarslys eru ófullnægjandi. Þær eru beinlínis rangar. Nú ætla ég að bæta því við að ég tel að það sé gert viljandi. Ég sé hinsvegar ekki tilganginn með því að hafa þær rangar. Ég skora á samgönguráðherra að koma þeim málum í lag svo taka megi mið af réttum tölum um þær fórnir sem við erum að færa á vegum. Þannig verður hægt að bregðast réttar við en þegar unnið er með rangar tölur.

Yfir 1.200 manns slösuðust í umferðaróhöppum í Reykjavík í fyrra

Til Borgarstjóra Reykjavíkur

Árið 2006 fjölgaði umferðaróhöppum í Reykjavík um 35% frá árinu 2005. Eittþúsundtvöhundruðþrjátíuogfjórir einstaklingar slösuðust og fjölgaði þeim um 35% frá árinu á undan. Hvað ætlar þú að gera í þessu? Þú nefndir í þinni baráttu fyrir 1. sæti í prófkjöri að þú ætlaðir að bæta umferðaröryggi í Reykjavík. Hvað hefur þú gert í þeim málum?

Skrár tengdar þessari bloggfærslu:

• Blaðið í dag

Þar kom að því...

Ég var klukkaður.

Það sem þú veist ekki um mig.

Ég hef ekki áhuga á bílum, veit lítið um tegundir og ekkert um verð, gæði eða endingu þeirra.

Ég er lesblindur en les samt. Síðustu fjórar bækur eru, Viltu vinna milljarð, Flugdrekadrengurinn, The Innocent Man (John Grisham) og Desert_Flower (Waris Dirie)

Ég elda austurlenskan mat og hef gert það síðan 1985

Ég er of þungur

Ég týni alltaf gleraugunum mínum

Vond blanda

Einhver versta blanda sem til er í umferðinni er malarvegur+ABS. Nú fer ég fram á að rannsóknarnefnd umferðarslysa rannsaki þessa blöndu. Sá er þetta skrifar er þess fullviss að ABS bremsukerfin hafa leitt til nokkurra banaslysa á íslenskum malarvegum. Það er þörf á að hættan verði kynnt vel og rækilega svo fólk fái að vita af henni og hvernig má varast að lenda í þeim aðstæðum þar sem blandan verður til.

Mér er full alvara með þessu bloggi.

Algengt að erlendir ökumenn velti bílum á malarvegum