Hér passar eitthvað ekki

Hver er að rugla hér?

Verkfræðistjóri Renault, Pat Symonds, sagðist hafa verið undrandi á dekkjareglunni sem fulltrúar Alþjóða akstursíþróttasambandsins (FIA9, eftirlitsmenn kappakstursins, hefðu gripið til. Hefðu liðin fyrst verið látin vita af henni þegar þau voru búin að ákveða keppnisáætlun sína og tankað bílana í samræmi við það. „Þetta er nokkuð undarlegt því eftir klukkan 12 mega menn ekki breyta bensínhleðslunni. Kappaksturinn hófst eftir 12 og tilkynningin barst klukkan 12:15,“ sagði Symonds.

Má tanka eftir tímatökurnar?

Mistök vegna dekkjareglu bitnuðu á Ferrari í Fuji

Gott í Mosó

Það er mér sönn ánægja að tilkynna það hér að bæjarstjórn Mosfellsbæjar hefur nú gengið þannig frá málum skólaaksturs að allir skólabílar eru nú með bílbeltum.

Sjá hér og hér

Gargandi snilld

Áfram Stjarnan

Glæsilegur sigur hjá Stjörnunni

Mismunandi fréttaflutningur

Í frétt um hraðakstur unglings er tíunduð sú refsing sem hann á von á. Þetta virðist nú ekki hafa verið síður hættulegt, hver er refsingin sem atvinnubílstjórinn á von á?

Grjóthrun á Kringlumýrarbraut

Þetta getur ekki verið augljósara

Hér er verið að hefja hækkunarferli með orðskrúði. Eigendur og notendur bifreiða eiga vona á því að rekstur þeirra verði dýrari, á því er enginn vafi.

Unnið að endurskoðun á skattlagningu á ökutæki og eldsneyti

Besta mál, leggjum þessi gatnamót af

Það á ekki að óbreyttu að auka við umferðina á Bústaðavegi. Það verður að taka ákvörðun um hvort sá vegur á að vera tengivegur eða innanhverfisvegur. Eins og er er Bústaðavegurinn einhver afkastamesti vegur borgarinnar þegar kemur að óhöppum og slysum. Á því þarf að verða breyting.

Mislæg gatnamót dagar uppi í kerfinu

Bravó, en meira þarf til

Það er full ástæða til þess að fagna þessu. Vonandi verða vegfarendur varir við þetta í því formi að ferðatími styttist, sérstaklega á álagstímum.

En það þarf meira til. Til eflingar umferðaröryggis ætti að stefna á að hætt alfarið notkun umferðarljósa og leysa málið á annan hátt. Það mætti byrja á því að fjarlægja fimm slík í Grafarvogi, það ætti að vera auðvelt og mun gera umferðina öruggari. Ég skora á heilbrigðisráðherra og íbúa í Grafarvogi að koma því til leiðar og minnka þar með álagið á sjúkrahúsin.

Þangað til umferðarljósin verða öll, mætti bæta við búnaði sem skynjar að akstur gegn rauðu ljósi er um það bil að fara að eiga sér stað, búnaði sem vekur ökumanninn sem er annars hugar, og koma þannig í veg fyrir slys. Það er hægt, rétt eins og hægt er að standa menn að verki.

Umferðarljósum nú miðstýrt

Í besta falli...

...sprenghlæilegt.

Forseti Íslands verðlaunaður fyrir baráttu gegn loftlagsbreytingum

Ekki orkugjafi

Vetni er ekki orkugjafi frekar en háspennulínur.

Ýtarleg umfjöllun um íslenskar vetnistilraunir á CNN

Vont og versnar

Í samanburði við árið 2006 er árið 2007 vont ár. Árið 2006 var líka vont ár miðað við árið 2005 og vont miðað við meðaltal áranna 2002 til 2006. Samt sitja menn á rassinum með hendurnar þar undir og gera lítið sem ekkert í þessum málum. Hér á ég aðalega við borgarstjórn Reykjavíkur og bæjarstjórnir í nágrannasveitarfélögunum. Allt þetta lið virðist ætlast til þess að einhver annar taki til hendinni og snúi þessari óheillaþróun við. Borgarstjórinn í Reykjavík lofaði því í prófkjörsbaráttu sinni að taka á þessum málum. Ég get ekki séð að hann hafi gert það frekar en Dagur og félagar hans í fyrri borgarstjórn. Um 90% umferðaróhappa í Reykjavík verða á öðrum götum en Miklubraut, Kringlumýrarbraut og Hringbraut, en um þessar götur talar Gísli Marteinn einatt þegar kemur að umferðarmálum í borginni. Það er kominn tími á aðgerðir af hálfu sveitarstjórna til þess að laga þetta ófremdarástand.

Alvarlegum slysum fjölgar í umferðinni