2+1 Borgarnes - Akureyri

Það gæti hjálpað til að útbúa þriðju akreinina á 20 km. fresti og hafa hana 5 km. langa. Það verða þá 20 km. með þremur akreinum á hverjum 100 km. samtals 60 km. Þannig greiðum við fyrir framúrakstri. Kostnaður er sagður um 40 milljónir á hvern km. þriðjuakreinar (sem viðbót við það sem fyrir er) og því er hér talað um 2,4 milljarða alls.
Framhaldið liggur í augum uppi.

Harðduglegur.

Fallinn er dómur í máli 23 ára dansks karlmans. Sekt upp á 60.000 krónur og jafnhliða voru tekin af honum ökuréttindin. Hann sofnaði sex sinnum undir stýri. Hann vann fulla vinnu á daginn og á kvöldin og nóttunni vann hann við að aka út blöðum. Hann svaf því næstum ekkert, nema þá helst undir stýri.

Ætli þetta þekkist á Íslandi?

Ekur þú eftir einn?

Tryggingafyrirtæki eitt lét fara kerfisbundið yfir 1,7 milljón mála. Niðurstaðan var skýr. Af hverjum 600 smávægilegum mistökum leiddu yfirleitt 10 til minni háttar slysa á fólki og eitt til meiri háttar slysa. Með því að draga úr fjölda lítils háttar mistaka mun það sem sagt koma fram í formi færri slysa.

Eru það smávægileg mistök að aka eftir einn? Hugsaðu málið.

Fátt nýtt undir sólinni.

Undanfarið hafa verið fluttar fréttir um árangur lögreglunnar við að finna óhæfa ökumenn. Getum við sem einstaklingar lagt eitthvað af mörkum í þeirri baráttu?

Hér er grein úr læknablaðinu síðan 2005

Veiku hliðarnar

Þegar hver orrustuflugvélin á fætur annarri hrapaði á árunum fyrir 1950, voru þessi slys fyrst í stað útskýrð með mistökum flugmannanna. En hinn mikli fjöldi slysa varð engu að síður til þess að hjá bandarískum hernaðaryfirvöldum fóru menn að velta fyrir sér samspili manns og véla. Nánari rannsókn á slysunum leiddi nefnilega í ljós að í flestum tilvikum mátti rekja þau til gallaðrar tæknihönnunar. Það var einfaldlega of auðvelt fyrir flugmanninn að gera mistök. Þegar innréttingum í flugstjórnarklefanum var breytt, fækkaði slysunum verulega. Þetta varð upphafið að alveg nýju sviði rannsóknar þar sem menn einblína á mannlega þáttinn. Ein þeirra stofnana sem nú standa í allra fremstu röð á þessu sviði er danska stofnunin Forskningscenter Risø þar sem vísindamenn hafa um 25 ára skeið fengist við að koma í veg fyrir mannleg mistök. Starfið fer að hluta til fram við Danish Human Factor Center.

Svona hefst þessi grein í tímaritinu Lifandi vísindi

Rannsóknir hafa einnig sýnt greinilegt tölfræðilegt samhengi milli lítilla mistaka og alvarlegra slysa. Tryggingafyrirtæki eitt lét t.d. fara kerfisbundið yfir 1,7 milljón mála. Niðurstaðan var skýr. Af hverjum 600 smávægilegum mistökum leiddu yfirleitt 10 til minni háttar slysa á fólki og eitt til meiri háttar slysa. Með því að draga úr fjölda lítils háttar mistaka mun það sem sagt koma fram í formi færri slysa.

Þessi niðurstaða í greininni vekur mann til umhugsunar hvort það væri ekki rétt að yfirfæra þessa þekkingu til hagsbóta fyrir okkur í umferðinni.

Bílar eru leiktæki.

Allt frá því að innflutningur á bifreiðum hófst til Íslands hafa þær verið notaðar fólki til skemmtunar. Bíltúrar eru eitthvað sem allir þekkja, rúnturinn, og já menn hafa reynt með sér í sparakstri, torfæru, ísakstri og þannig mætti lengi telja. Fram á síðasta áratug síðustu aldar þurftu menn að útvega sér aukahluti til þess að breyta bifreiðum í alvöru leiktæki, en þá áttuðu framleiðendur sig á því að leiktækin voru söluvara til almennings. Þá hófst æðisgengið kapphlaup þeirra í að fjöldaframleiða kappaksturstæki, með vélarafli, gírkassa, driflæsingum, fjöðrunarkerfum, bremsum og stýrisbúnaði sem sómir sér á kappakstursbrautum um víða veröld. Allt þetta varð falt fyrir næstum því það sama og venjulegur fjölskyldubíll. Um svipað leyti varð ógnaraflaukning í kappakstursbílum sem varð til þess að FIA, alþjóðaakstursíþróttasambandið sá sig tilneytt til að takmarka afl í keppnistækjum. Það gerist meðal annars í rally árið 1985 og var miðað við hámarksafl 300 hestöfl. Stórlega dróg úr slysum í ralli við þessar takmarkanir og slíkar takmarkanir eru nú í öllum greinum sem keppt er í undir merkjum FIA.

Alþýðustjórnir landa hafa hinsvegar veigrað sér við að setja slíkar takmarkanir á leiktækin sem seld eru almenningi og/eða notkun þeirra. Staðan er sú á Íslandi og víðar, að nýliði má aka 500 hestafla bifreið daginn sem hann fær ökuréttindi, í almennri umferð, innan um alla aðra umferð og það án þess að hann hafi sannað getu sína til að stjórna slíku tæki. Gatan er ekki leikvöllur en á meðan ekkert annað er að hafa og allir geta eignast eða fengið lánað leiktæki eins og bifreið, þá munu menn leika sér þar.

Við færðum knattspyrnu af götunum fyrir nokkrum árum síðan, lærum af því. Færum þessi leiktæki úr almennri umferð, fyrsta skrefið er að takmarka aðgang nýliða að þeim, skref tvö, að koma okkur upp leiksvæðum en samt með takmörkunum á afli miðað við reynslu

Við kennum börnunum okkar að synda á unga aldri, lærum af því. Færum verklega ökukennslu inn í grunnskólana og kennum þau fræði sem þarf, til að komast lifandi frá samgöngum á landi.