10.000.000 pr starfsmann

Á sama tíma og önnur fyrirtæki rétt skrimta þá stela bankarnir peningum. Það er ekki í lagi að fyrirtæki á Íslandi græði milljón á mánuði á hvern starfsmann þess. Því lætur almenningur þetta viðgangast? Eru blaðamenn alveg blindir þegar kemur að svona rugli? Eða finnst fólki þetta bara hið besta mál? Það er verið að arðræna viðskiptamenn bankanna. Það er verið að arðræna sparifjáreigendur.

Hafa hagnast um 35 milljarða

Athugasemdir

[Guðmundur Pétursson, 2.12.2010 kl. 04:11]

Þessi s.k. hagnaður er að miklu leyti leikur að tölum. Þeir eru að uppfæra verðmat á eignum sem þeir fengu með miklum afslætti frá gömlu bönkunum. Rekstrarlega, standa þessir bankar illa og eru að skila slakri afkomu.

Þar að auki er lánsfjármarkaður lokaður fyrir þá og verður um ókomin ár nema á einhverjum okurxöxtum. Það eru sömu hálfvitarnir sem stjórna bönkunum núna og gerðu fyrir hrun, ef ekki meiri hálfvitar.

Ekki láta blekkjast af þessum hallærislega talnaleik, þeir eru enn og aftur að fegra(falsa) uppgjörin sín eins og gert var fyrir hrun.

[Kristján Hilmarsson, 2.12.2010 kl. 13:46]

 Einmitt !!þetta er ekkert minna en ósvífin ögrun Birgir ! við almenning, sem er (vægt til orða tekið) óöruggur núna vegna :eigin skuldastöðu, lélegra atvinnuhorfa, gífurlegum niðurskurðartillögum á kjarnastofnanir, aukinna skatta og síðast en ekki síst stórkostlegra niðurfellingu lána fjárglæframanna og fyrirtækja þeirra.

En hvort viðbrögðin verða svo í samræmi, er ekki gott að segja, tímasetningin er allavega frábær hjá þeim, fólk upptekið af að reyna undirbúa jólahald eftir bestu getu.

En nú vitum við allavega hvert "aðstoðin" frá AGS fór, vissum fyrir að hún fór ekki til skattgreiðanda, þeir eiga bara borga brúsann.

MBKV

KH

PS komment í Guðmundar er ég búinn að svara á mínu bloggi, hann setti þetta hjá öllum sem blogguðu á fréttina.

KH