Um þetta hefur oft verið fjallað hér

Að auki hefur líka verið bent á að ekki sé við hæfi að nýliði fái að aka kraftmiklum ökutækjum en á það hefur ekki verið hlustað. Hvað veldur? Það er tómt rugl að nýliði megi aka 300 hestafla bíl á götum. Engin virðist þó hafa dug til að taka á því.

T.d. Var fjllað um þetta í nokkrum færslum í janúar 2007

Vilja að ökunámið taki lengri tíma

Athugasemdir

[Gunnar Th. Gunnarsson, 9.10.2012 kl. 20:50]

Það er í sjálfu sér rökrétt að leyfa ekki 17 ára ökumanni að keyra 300 hestafla bíl, en ég minnist þess þó ekki að hafa séð tölfræði um að mjög kraftmiklir bílar séu "vandamál" ungra ökumanna á Íslandi.

Gríðarleg breyting hefur orðið til batnaðar í slysatíðni ungra ökumanna hérlendis á undanförnum árum. Þó eru ökumenn í aldurshópnum 17-24 ára enn sérstakur áhættuhópur og þá sérstaklega piltar, en sláandi munur er milli kynja í þessum aldursflokki.

Helstu ástæður til lækkunnar slysatíðninnar eru taldar vera punktakerfið svokallaða, en fólk með bráðabirgðaskírteini fer í akstursbann ef refsipunktarnir verða 4 eða fleiri. Akstursbann er mikið félagslegt og fjárhagslegt áfall fyrir unga ökumenn.

Sömuleiðis er æfingaleyfi frá rúmlega 16 ára aldri talið til bóta. Skiptar skoðanir eru hins vegar meðal fagmanna í umferðarmálum, hvort hækkun ökuleyfisaldurs úr 17 í 18 ár sé til bóta. Vissulega er töluverður þroskamunur á fólki á þessum aldri, en með hækkun á ökuleyfisaldri er ökureynslu einnig skotið á frest um eitt ár.

[Gunnar Th. Gunnarsson, 9.10.2012 kl. 20:57]

Annað atriði sem hefur lækkað slysatíðni ungra ökumanna hér, er að ekki þekkist lengur að krakkarnir komist upp með að taka ekki nema örfáa ökutíma hjá löggiltum ökukennara. Í dag er lágmarkið 10 ökutímar fyrir æfingaleyfi og jafnframt að ljúka námskeiði í Ökuskóla 1. Fyrir bílprófið þarf svo að ljúka Ökuskóla 2 og 3, auk þess aðtaka a.m.k. 4 ökutíma í viðbót.

Krakkar á landsbyggðinni utan Akureyrar þurfa samt ekki að taka Ökuskóla 3 fyrr en þau fá fullnaðarskírteini að 1-3 árum liðnum.

[Birgir Þór Bragason, 9.10.2012 kl. 21:34]

Það er ekki langt síðan dómsmá vegna banaslyss í Tryggvagötu fékk mikla athygli fjölmiðla, kraftmikill bíll var þar hluti þeirrar hörmungar. Það eru mýmörg slík dæmi. Það eru reglur í þessa veru í flugi og líka hvað varðar mótorhjól.

Banaslys voru algeng í HM í ralli 1983 til 1985 en þá voru settar reglur sem takmörkuðu afl bílana. Banaslysin hurfu með það sama.

Sennilega er lítið mál að safna tölum um afdrif fjölda fjórhjóladrifinna bíla með 200 ti 300 hestafla vélar síðasliðin 15 ár en mjög margar þeirra hafa endað för sína úti í móa.

[Gunnar Th. Gunnarsson, 9.10.2012 kl. 22:16]

Var bíllinn í Tryggvagötuslysinu "mjög" kraftmikill?

Það þarf ekki "mjög" kraftmikla bíla til að aka á lífshættulegum hraða.

[Gunnar Th. Gunnarsson, 9.10.2012 kl. 22:19]

En bara svo það sé á hreinu, þá finnst mér alveg koma til greina að takmarka réttindi ungra ökumanna við tiltekin hestöfl

[Birgir Þór Bragason, 9.10.2012 kl. 22:29]

Kraftmiklir bílar er fljótari og þurfa færri metra til þess að breyta hraða mikið. Það er þessi breyting á stuttum tíma sem „platar" ökumanninn, hann áttar sig ekki á að stöðvunarvegalengdin styttist ekki að sama skapi.

[Birgir Þór Bragason, 9.10.2012 kl. 22:30]

Allur hraði umfram 35 km/ kls er lífshættulegur.