Er niðurstaðan röng?

Er tekið tillit til fjölda bíla í þessari niðurstöðu? Þó flest óhöpp og flest slys verði á þessum gatnamótum (sem er reyndar skandall í ljósi sögu þeirra) er hugsanlegt að gatnamót með minni umferð teljist hættulegri. Það er að segja það verði þar fleiri og alvarlegri óhöpp miðað við fjölda bíla sem fara um gatnamótin.

 

Þetta eru hættulegustu gatnamótin

Athugasemdir

[Gunnar Heiðarsson, 8.3.2015 kl. 08:10]

Það er fjöldi slysa og slasaðra sem telja. Því ber að snúa sér að bótum þeirra gatnamóta þar sem flest slys verða.

Gatnamót með mjög lítilli umferð gæti vissulega verið með fleiri slys miðað við fjölda bíla. Eitt slys á ári þar gæti því viktað þar þyngra en 162 slys á gatnamótum Grensásvegar og Miklubrautar.

Hvor gatnamótin væri þá mikilvægara að laga?

Ef allt væri eðlilegt væri Reykjavíkurborg nú að hanna og byggja þarna mislæg gatnamót. En það er fátt eðlilegt í rekstri Reykjavíkurborgar og því er nú talað um að þrengja enn frekar að umferð við þessi hættulegustu gatnamót landsins.

[Birgir Þór Bragason, 8.3.2015 kl. 08:22]

En hvor gatnamótin eru hættulegri? 

Það er annars ríkið sem sér um Miklubrautina, Vegagerðin altså. Það eina rétt er að laga hana þannig að hún fari undir Háleitisbrautina og yfir Grensásveg. 

[Ólafur Guðmundsson (IP-tala skráð) 8.3.2015 kl. 12:33]

Rétt.  Miklabraut er á forræði Vegagerðarinnar og ríkisins, ásamt Kringlumýrarbraut.  Grensásvegur, Háaleitisbraut og Langahlíð eru aftur á móti götur sem Reykjavíkurborg sér um.  Úrbætur á þessum stöðum krefjast því samstarfs  að miklu leiti, auk þess að skipulagsmálin heyra undir Reykjavíkurborg.

Það er hinns vegar viðbúið að ekkert verði gert varðandi þessi gatnamót næstu árin, þar sem Reykjavíkurborg og ríkið gerðu samning um engar framkæmdir í borginni til 10 ára, og fjármagnið notað í niðurgreiðslur á almenningssamgöngum.  Þetta var í tíð Ögmundar Jónassonar sem innanríkisráðherra, þannig að 6 til 7 ár eru eftir af þeim gjörningi.  

Því til viðbótar er það yfirlýst stefna núverandi meirihluta í Reykjavík að gera ekkert til að bæta umferð þeirra sam nota fjölskyldubílinn.  Frekar að þrengja, hindra og spilla fyrir umferð.