Hvursu ábyggileg er þessi frétt?

Er þetta slúður eða hvað? Því ætti saksóknari á Ítalíu að stefna liðststjóra í íþróttaliði sem á ekki einu sinni heima í landinu? Á þá næst að kæra þjálfara í knattspyrnu fyrir að njósna um æfingar liðs í knattspyrnu? Eða er mbl.is ekki marktækur miðill þegar kemur að Formúlu eitt?

Saksóknarar í Modena sagðir stefna Ron Dennis

Athugasemdir

[Ágúst Ásgeirsson, 9.9.2007 kl. 05:19]

Sæll

Þú hleypur á þig sem stundum fyrr! Eftir að hún var skrifuð í gærkvöldi hefur McLaren staðfest hana. Mbl.is er því marktækur miðill og því er síðustu spurningu þinni svarað.

Svona mál eru ekki ný af nálinni þegar ítalskt réttarfar er annars vegar. Manstu ekki að ítalskir rannsóknardómarar og dómstólar  voru í næstum áratug að hrella og eltast við Williamsmenn vegna dauða Senna? Réttarhöld á réttarhöld ofan í því máli. 

Með kveðju

Ágúst

[gudni.is, 9.9.2007 kl. 08:58]

Sæll Biggi minn..
Ég er alveg hjartanlega sammála Ágústi í þessu máli. Mér finnst þú að þessu sinni (eins og stundum áður) hlaupa óþarflega á þig. Þetta mál og þessi fréttaflutningur ætti ekki að vekja upp svona viðbrögð hjá þér að mínu mati. Þetta er búið að vera altalað á ýmsa vegu í erlendum F1 fréttamiðlum sl. daga og því skil ég ekki í þér að ætla að skella einhverri skuld á mbl.is fyrir þetta..????

Ég persónulega er alveg OFUR-hliðhollur Ron Dennis í flestöllu og hann er minn maður í þessum F1 geira, en mér kemur þetta ekkert á óvart að ítalskir dómstólar ætli að reyna að negla hann. Maður þarf ekki annað en að rifja upp gamla málið með Senna heitinn sem var fyrir dómstólum í um 10 ár þar sem m.a. var reynt að sakfella Adrian Newey, Patric Head og fleiri vegna dauða Senna á Imola 1994.

Biggi, Plís ekki missa þig úr bræði yfir hreinskilni minni og ábendingum í þinn garð...

Kveðja // gudni.is

[Birgir Þór Bragason, 10.9.2007 kl. 19:15]

Hvað ætli McLaren hafi staðfest? Að Ron Dennis hafi verið stefnt í þeim skilning sem lagður er í orðið á Íslandi? Hvert var honum stefnt? Var þetta stefna eða var þetta eitthvað annað?

ps Guðni, ef þú þekktir mig þó ekki væri nema oggu lítið, þá væri þér ljóst að bræði er ekki til í fari mínu. Merkilegt að sjá þig kalla stjórnendur FIA mafíu í bloggi þínu. Varst þú í einhverri mafíu þegar þú stjórnaðir rallýkeppni á Íslandi?

[Ágúst Ásgeirsson, 10.9.2007 kl. 19:33]

Réttarkerfið á Ítalíu er talsvert frábrugðið því íslenska.

Þar er eitt dómsstigið í höndum svonefndra rannsóknardómara. Þeir kalla fyrir sig vitni (stefna þeim fyrir sig nákvæmlega eins og mönnum er stefnt fyrir rétt) og annast vitnaleiðslur. Þeir fella síðan dóma að því loknu. Þetta virkar alveg eins og hjá fjölskipuðum dómi.

Já, það ber að leggja sama skilning í þessa stefnu sem stefnur fyrir íslenskan rétt. Dennis er sem sagt stefnt fyrir rannsóknardómara í Modena, í þágu rannsóknar njósnamálsins, sem Ferrari hefur kært á Ítalíu sem um glæpamál sé að ræða en ekki þrætu sem beri að gera upp á vettvangi FIA.

Að mati Ferrari hefur Ron Dennis brotið gegn ítalskri refsilöggjöf með því að einhver Ferrarimaður laumaði skjalabunka til starfsmanns hans.

Hvort dómarinn kallar síðan Dennis fyrir sig - og/eða aðra McLarenmenn - þegar hann hefur kafað meira ofaní málið kemur svo bara í ljós síðar. 

[gudni.is, 11.9.2007 kl. 04:45]

Ég þekki þig nú eða þekkti a.m.k. oggu lítið Biggi. Þetta var nú ekki illa meint sem ég skrifaði um bræði þitt   (ekki láta mig æsa þig) 

Ég var nei ekki í neinni mafíu þegar ég stjórnaði rallýkeppnum á Íslandi og var formaður BÍKR. Hinsvegar leið mér mér satt best að segja eins og ég væri í mafíu þegar ég sat í stjórn LÍA árin 1999-2000.

gudni.is