Sökin liggur hjá yfirvöldum enn og aftur

Gatnamót að Hellisheiðarvirkjun! Því var þetta svæði ekki tengt við Þrengsla-slaufuna sem er ca jafn ný og þetta vinnusvæði? Það þurfa ekki að vera gatnamót á Vegi 1 á þessum stað. Það eiga ekki að vera gatanmót á þessum stað né uppi á heiðinni inn á vinnusvæðið.

Umferðarslys á afleggjara að Hellisheiðarvirkjun

Athugasemdir

[Birgir Þór Bragason, 31.10.2007 kl. 19:41]

Dapur fréttafluttningur?

Svona er mér sagt að þetta hafi gerst.

Í fyrsta lagi gerðist þetta ekki á gatnamótunum – heldur 500 metra inn á hellisheiðarvirkjunar afleggjaranum.

Konan ók á móti sólu og sá aldrei fulllestaðan vörubílinn sem var út í kanti með blikkljós og hazard. Hún einfaldega keyrði án þess að hægja á sér á móti sólinni án þess að sjá neitt. Vörubílalestin var stopp út í kanti að yfirfara farm áður en haldið var út á þjóðveg eitt – og var bílstjóri að þrífa framrúðuna hjá sér þegar konan keyrði aftaná hann.

Tvennt bjargaði konunni: Í fyrsta lagi var undirakstursvörn á vörubílnum – sem tók ótrúlegt högg á sig áður en hún brast – en nóg til að grindarbiti bílsins náði ekki í gegnum ökurými bílsins.

Í öðru lagi eru það loftpúðarnir í Skódanum – það er ótrúlegt að konan hafi gengið út út bílinum því hann var vægast sagt klesstur upp á framrúðu. Hennar mestu eymsli voru í brjóstkassa eftir höggið við púðan.

[Anna Runólfsdóttir, 31.10.2007 kl. 22:04]

Fréttin segir ekki að þetta hafi gerst á gatnamótunum heldur á afleggjaranum. Ef síðan þessi kona sem ók á vörubílinn ók eins greitt og þú segir þá breyta vegskilyrðin eða hönnun vegarins litlu um hvort hún lendi í slysi eða ekki...

[Birgir Þór Bragason, 31.10.2007 kl. 23:29]

Það er rétt Anna. Ég held hinsvegar að fréttinni hafi verið breytt og hún hafi í fyrstu vísað í gatnamótin. Þau gatnamót, burt séð frá þessu slysi, ættu ekki að vera þarna og menn hefðu átt að tengja þetta svæði við slaufuna sem tengir Þrengslin við veg 1. Það ættu heldur ekki að vera gatnamót uppi á heiðinni rétt ofan skíðaskálans, þau eru bara slysagildra. Þetta tiltekna slys virðist vera konunni að kenna, já, miðað við þær fréttir sem ég hef af þessu.

[Óskar Þorkelsson, 1.11.2007 kl. 00:25]

slys þar sem vörubílar, rútur eru innblandaðar í árekstri eða óhappi við fólksbíl eru oftast bílstjóra fólksbílsins að kenna.. fakta helvettes faen.