Skil ég þetta rétt?

Í skýrslunni segir:

 

Banaslys átti sér stað við Minni Borg 28. júlí 2007. Þarna í grennd hafði orðið banaslys árið 2005 og gerði nefndin þá tillögu í öryggisátt um að lækka hámarkshraðann á þessum stað.  Eftir slysið var hámarkshraði á veginum framhjá Minni Borg lækkaður úr 90 í 70 km/klst.

 

 Skil ég það rétt að aðeins eftir seinna slysið hafi hámarkshraðinn verið lækkaður?

 Númer 2

vegna: „Akrafjallsvegur við Innnesveg 16. júlí 2007“

 Rannsóknarnefnd umferðarslysa sendi Vegagerðinni bréf dags. 17.3.2006 vegna vegamótanna í kjölfar alvarlegs umferðarslyss sem varð þá. Í bréfinu benti RNU á að vegamótin væru illa merkt, hæðarmismunur sé mikill við vegamótin og umhverfi þeirra hættulegt ef ökutæki fara útaf.   

 Enn og aftur sein viðbrögð, eða hvað?

 Hver er ábyrgur?  

 

Meira á síðu 37, en þar er þetta:

Við skoðun á Opel bifreiðinni komu nokkur athyglisverð atriði í ljós. Bifreiðin hafði verið búin öryggispúðum, en þeir höfðu sprungið út í árekstri sem átti sér stað í október 2003. Eftir slysið var bifreiðin keypt af tryggingarfélagi hennar og hún svo endurseld 12 dögum síðar. Ekki hafði verið gert við öryggisbúnaðinn eftir slysið og voru sprungnir púðarnir enn í bílnum. Nutu ökumaður og farþegi í framsæti þeirra ekki í þessum árekstri. Búnaður sem strekkir á öryggisbeltunum við árekstur hafði sprungið út í þeim árekstri einnig. Báðir beltastrekkjararnir voru sprungnir og nýttust því ekki ökumanni og farþega í slysinu.  

 

 Það er meira um þetta í skýrslunni sjálfri, á blaðsíðu 37 og 38

 

Hver er ábyrgur?

Hraðakstur algengast orsök banaslysa

Athugasemdir

[Högni Jóhann Sigurjónsson, 30.6.2008 kl. 18:49]

Held ég skilji hvað þú ert að fara Birgir, málið er þetta niðurstöður RNU eru ekki notaðar rétt eða réttara sagt alls ekki notaðar.

[Rúnar Haukur Ingimarsson, 30.6.2008 kl. 21:07]

Þetta er ótrúlegt að lesa - enn einu sinni þá kemur í ljós að engin ber ábyrgð á neinu á þessu blessaða landi okkar.

[Kjartan Þór (IP-tala skráð) 5.7.2008 kl. 21:41]

Ég verð nú að viðurkenna að ég hélt það væri skylda að skera á ónýt bílbelti eftir umferðarslys (bílbelti sem hefur bjargað lífi er í 70% tilvika ónýtt) svo menn neyddust til að skipta um þau svo bíll stæðist skoðun.

Annars er ljótt að vita til þess að tryggingafélög á Íslandi stuðla að banaslysum með því að selja aftur til annars en niðurrifs ökutæki sem lent hafa í mjög alvarlegum slysum. Í minnsta lagi gætu þau komið sér saman um skrá yfir slík ökutæki þannig að þau neiti að tryggja  þau nema framvísað sé vottorði um að gert hafi verið við bíla á fullnægjandi hátt, td að skipta um ónýtan öryggisbúnað.