Hækka þarf tryggingar v. innistæðna almennings

Nú þarf Alþingi að hækka þá upphæð sem ríkið tryggir almenningi vegna innistæðna almennings í bönkum. Það þarf að gerast strax og það þarf að hækka trygginguna í 100.000 evrur (hún er núna 20.000). Það þarf að gera þetta til þess að róa almenning svo ekki komi til þess að hann taki út sparifé sitt.

Fjárþörfin 230 milljarðar

Athugasemdir

[Helgi Hrafn Gunnarsson (IP-tala skráð) 2.10.2008 kl. 09:19]

Kannski er ég bara svona fordómafullur, en ég á svo bágt með að trúa því að Íslendingar eigi eitthvað af alvöru sparifé sem er ekki bundið. Vandinn skilst mér að sé að hluta til sá að fólk hefur ekki verið að leggja til, heldur fjármagna líf sitt með lánum.

Ofan á það, hvað þykist fólk ætla að gera með því að taka út krónur? Ég sé ekki hvar krónurnar ættu að vera öruggari en í bönkunum þar sem þær eru væntanlega gengistryggðar ef þær eru geymdar til lengri tíma, sem sparifé er væntanlega almennt.

[Finnur Þorgeirsson (IP-tala skráð) 2.10.2008 kl. 09:35]

Athugasemd við athugasemd:

Helgi Hrafn, krónurnar í bönkunum kunna að vera verðtryggðar en alls ekki gengistryggðar. Þó að gengið falli um 10% þá skilar það sig ekki í 10% verbólgu og þar með 10% verðbótum. 10% gengisfall skilar sig hugsanlega í 4% verðbólgu innan 2 mánaða þannig að sparnaður okkar rýrnar um 6% gagnvart erlendum gjaldmiðlum.

Sjá: http://www.mp.is/fyrirtaekid/frettir/nr/969

[Helgi Hrafn Gunnarsson (IP-tala skráð) 2.10.2008 kl. 09:42]

Finnur: Það er rétt hjá þér, ég misskildi dæmið. Ég ruglaði saman verðbólgu og gengi. Takk fyrir leiðréttinguna.