Verðhjöðnun = nú lækkar verbótaþáttur lána

Það er ekki lengur verðbólga á Íslandi. Nú lækkar verðbótaþáttur lána og er það vel. Nú verður almenningur að gæta þess að verðbótakerfið verði ekki lagt niður á meðan svona er. En auðvita vilja lánendur slíkt og munu pressa á að því verði hraðað.

Talsvert dregur úr verðbólgu

Athugasemdir

[gummih, 24.3.2009 kl. 09:53]

Alveg hárrétt, það er eins og þessi frétt hafi alveg farið framhjá fjölmiðlunum. Það er að segja að um næstu mánaðamót munu verðtryggðu lánin okkar hækka heldur munu þau lækka.

[gummih, 24.3.2009 kl. 12:52]

Þarna átti að sjálfsögðu að standa "um næstu mánaðamót munu verðtryggðu lánin okkar EKKI hækka heldur munu þau lækka."

[Guðmundur Ásgeirsson, 24.3.2009 kl. 14:12]

Þess vegna höfum við hjá L-listanum ákveðið að taka ekki þátt í þeirri loforðasúpu sem streymir nú frá stóru flokkunum, og er í besta falli óábyrgt hjal á meðan heimilin brenna í núverandi óvissuástandi.

Niðurfelling skulda um 20% myndi gagnast þeim mest sem skulda mest (tóku mesta áhættu) en ekki þeim tekjulægri sem þó geta líklega ráðið við afborganir sínar þegar um hægist. Afnám verðtryggingar á þessum tímapunkti myndi auk þess gagnast fjármagnseigendum á kostnað almúgans þar sem búast má við að höfuðstólar og afborganir muni fara lækkandi á næstunni í takt við verðlagið. Gott mál, svo er bara að vona að Seðlabankinn geri það rétta og fylgi á eftir með skarpri stýrivaxtalækkun.

Það er hinsvegar öllu verra fyrir myntkörfulánin að krónan virðist hafa veikst í dag og hugsanlega má rekja það til fallandi sparisjóða/banka um helgina. Það má þó búast því hvort sem okkur líkar betur eða verr að það muni taka nokkuð lengri tíma að ná stöðugleika á gjaldmiðlinum svo forsendur myndist fyrir styrkingu á ný, en framtíðin er samt björt þegar þetta verður yfirstaðið.

Hugsum stórt: X-L !