Hvernig reikna menn?

Hvernig fá menn það út að á Íslandi hafi 8,6 látist í umferðinni á hverja 100.000 íbúa. Það létust 31 í umferðinni og við erum um það bil 300.000. Og hvernig fá menn það út að 7,8 hafi farist í Danmörku á hverja 100.000 íbúa? Þar létust 298 á árinu 2006 og danir eru um það bil 5.300.000. Ég skil ekki þessar útkomur, og legg til að menn reikni aftur. Samkvæmt mínum heimildum kom ölvun við sögu í 10 tilfellum og vímuástand vegna fíkniefna í einu. Í sjö þessara tilfella vímuástands var ofsaakstur afleiðing þess ástands og með hörumlegum afleiðingum. Þá standa eftir fjögur tilfelli ofsaaksturs. Hvert á að beina spjótunum, að ölvun eða ofsaakstri? Auðvita væri gott að hvortveggja heyrði sögunni til, en ölvun er miklu stærra í þessu máli.

 

Danmörk

Úps, ég las ekki fréttina orð fyrir orð. Mér varð það á að horfa eingöngu til ársins 2006 en ekki til tímabilsins 1997 til 2006. Ég biðst velvirðingar á því. 

Gríðarleg fjölgun banaslysa í umferðinni í fyrra

Athugasemdir

[Óskar Ásgeirsson (IP-tala skráð) 22.3.2007 kl. 13:45]

Birgir, þetta er mjög athyglisvert en ég komst ekki á US kynninguna.  Ég bíð eftir að lesa skýrslu RNU til að greina þessi slys 2006.  Þá er hægt að skoða þessi mál í kjölin.  Það er bein fylgni milli ölvunar og ofsaakstur, þessi staðreynd er sífellt hunsuð af þeim sem fara með þessi mál.  Því miður er ekkert sem stöðvar slíkt nema löggæsla (alls ekki myndavélalöggæsla) og að fólk hringi í 112 ef það sér undarlegt aksturslag.  Síðan er það næsti flokkur ofsaaksturs sem eru óreyndir strákar sem þurfa að fá útrás á þar til gerðum brautum, í þessum málum er ekki verið að gera nokkurn skapað hlut.

Stór hert löggæsla er búin að vera að þróast síðan árið 2000 á Íslandi, þar á lögreglan hrós skilið fyrir vel unnin störf.  Í dag eru flest afskipti lögreglu á hvert ökuskírteini á Íslandi miðað við önnur norðurlönd og  árangurinn er því nú þegar mjög mikill.  Ég hef mínar efasemdir að "stór" aukin löggæsla leysa núverandi vanda.  Ég man vel eftir þegar einn mjög harður talsmaður hertrar löggæslu sagði opinberlega að öll umferðarslys megi rekja til lögbrota.  Sama ár ók viðkomandi á kind sem hljóp í veg fyrir bílinn.  Þetta hefði alveg eins geta verið barn.  Umferðarslys eru flókið fyrirbæri og alhæfingar um þennan málaflokk til lítils.  Ég er sannfærður að þó að í aftursætinu væru bæði lögreglumaður og ökukennari myndi einhverjum takast að velta bílnum óvænt fyrir mistök með tilheyrandi slysi.   Ég óttast að mjög að ef löggæsla verður gangi of langt endi það með trúnaðarbresti milli umferðaröryggisyfirvalda og almennings.  Í öllum málum verður að vera ákveðin skynsemi og raunsæi. 

 

Ég hef margoft farið fram á að rannsakað verði fylgni lögbrota gerenda alvarlegra- og banaslysa.  Athuga hvort að síbrotamenn eru gerendur og kanna þá í framhaldinu tegund afbrota ef einhver eru.  Þannig má greina og athuga hvar skóinn kreppir.  Einnig þarf að keyra saman gagnagrunna tryggingafélaga með fjölda tjóna við punktastöðu ökumanna til að athuga hvort að bein fylgni sé milli lögbrota og fjölda tjóna eða alvarleika þeirra.  Á meðan við vitum þetta ekki þá er kannski til lítils að stórefla löggæsluna enn frekar.   Kannski eru önnur úrræði sem þarf að grípa til.

[Birgir Þór Bragason, 22.3.2007 kl. 14:04]

Já Óskar, það má gera miklu meira í tölfræðimálum svo komast megi nær því hvað á að gera. Getur verið að 30 prósent ökumanna valdi 70 prósentum óhappa? Hvar er Slysaskrá Íslands stödd í þessum málum?

[Óskar Ásgeirsson (IP-tala skráð) 22.3.2007 kl. 14:26]

Ég veit að slysaskráin er orðin virk en þar eru takmarkaðar upplýsingar.  Upplýsingar Umferðarstofu úr slysaskránni eru þær sem Umferðarstofa var að kynna í gær.  Til að fara dýpra í þessi mál þarf að keyra saman gögn frá ólíkum aðilum.  Kannski eru þau sum á gráu svæði persónuverndar og þarfnast undibúnings til að afpersónugreina gögnin o.s.frv.  En það er ljóst að mikið vantar upp á til að sjá fylgni milli tjóna og hegðun ökumanna.  Ég minnist mjög vals á einum góðborgara sem ökumanns ársins í ónefndu átaki.  Sá var þekktur tjónvaldur í borginni.  Það er ekki nóg að kunna á stefnuljós og aka á löglegum hraða.  Það þarf allt að smella saman.

[Ólafur Þór (IP-tala skráð) 22.3.2007 kl. 14:46]

Það má vel vera að það megi gera miklu meira í tölfræðimálunum. 

Við hjá Slysaskráningu Umferðarstofu vinnum aðeins með þau óhöpp þar sem lögreglan kom á staðinn.  Þá eru eftir öll þau óhöpp sem eingöngu rötuðu til tryggingarfélagana.  Auðvitað væri best ef öll umferðaróhöpp væru skráð en það er því miður ekki raunin í dag.  Samt sem áður höfum við töfræði með alla þá er létust og slösuðust alvarlega svo og þá er fóru til læknis og það er nefnt í skýrslunum. 

Eitt langar mig þó að nefna að við vitum að sumir sem slasast t.d. hálshnykkir sem leiða til örorku eru oft skráðir sem lítil meiðsl vegna þess að ekki er hægt að fylgja eftir meiðslum einstaklinga af okkar hálfu.

Draumurinn væri jú ef öll umferðaróhöpp væru skráð og öll meiðsl þar af leiðandi fylgt eftir og rétt skráð.

[Birgir Þór Bragason, 22.3.2007 kl. 14:57]

Það var það sem átti að gerast með Slysaskrá Íslands. Þar er því miður aðeins eitt tryggingafélag og aðeins hluti heilbrigðisstofnana. Hvað veldur því veit ég ekki en það væri gott ef þrýst væri á að skráin verði tæmandi.

[Birgir Þór Bragason, 22.3.2007 kl. 15:07]

Annars er merkilegt að skoða þróun hjá Dönum síðustu árin. Þeir hafa verið að ná miklum árangri undanfarna áratugi.

 Tafla yfir látna í umferðinni á Íslandi og í Danmörku 1997 til og með 2006

    Ísland    Danmörk
1997    15    489
1998    27    499
1999    21    514
2000    32    498
2001    24    431
2002    29    463
2003    23    432
2004    23    369
2005    19    331
2006    31    298

[Óskar Ásgeirsson (IP-tala skráð) 23.3.2007 kl. 09:27]

Þetta er mjög merkilegur árangur.  Þeir tóku á ýmsum agavandamálum og þá sérstaklega ölvunarakstri.  Eitt skulum við minnast sem er mjög merkilegt að fyrir 3 árum var hámarkshraði á hraðbrautum hækkaður í 130km en á móti var tekið harðar á þeim sem fóru yfir þann hraða. 

[Birgir Þór Bragason, 23.3.2007 kl. 10:40]

Þeir hafa líka mjög markvist fækkað kross- og Tgatnamótum úti á landsbyggðinni og sett í stað þeirra hringtorg.