Sturla tók málið alvarlega

Vonandi gerir Kristján það líka. Forsenda þess að samgönguráðherra gæti tekið umferðaröryggismál jafn föstum tökum og raun ber vitni er að umferðaröryggismál voru færð til ráðuneytisins í tíð síðustu ríkisstjórnar. Það var gert að frumkvæði LÍA, Landssambands íslenskra akstursfélag. LÍA er aðili að FIA og frá árinu 1994 hefur FIA staðið að gagngeri breytingu á umferðaröryggismálum, ekki bara í mótorsport heldur einnig í almennri umferð. Fimm stjörnu bílar og fimm stjörnu vegir eru dæmi um það. Annað dæmi er umferðaröryggisárið og umferðaröryggisvikurnar. Sívaxandi skilningur stjórnmálamanna á því, að það er hægt að breyta umferðinni til hins betra, er vegna vinnu FIA og sérstaklega forseta sambandsins Max Mosley. Eins og áður sagði þá tók Sturla málið föstum tökum og ég vona svo sannarlega að Kristján geri það einnig, það er mikið verk óunnið.

Sturla Böðvarsson fékk heiðursverðlaun

Athugasemdir

[Herdís Sigurjónsdóttir, 20.6.2007 kl. 10:21]

 

Ég fer alltaf reglulega inn á bloggið þitt og þakka góð skrif.

Ég er sannfærð um að þessar vikur og átaksverkefni skila árangri og Kristján L. Möller lætur örugglega ekki sitt eftir liggja í þessum málum. Hann sem Siglfirðingum ætti að þekkja hvað vegir og vegabætur skipta miklu máli. Þegar ég var barn komu fyrst göng til Siglufjarðar, en áður varð að fara yfir Skraðið sem er stórhættulegur fjallavegur og hægt er að fara núna yfir sumartímann. Síðan voru Skriðurnar teknar af og vegrið sett upp við hættulega kafla og breytti miklu þegar loks komst á bundið slitlag. Vegirnir hafa tekið sinn toll, heldur betur.