Tími til kominn að þetta verði skoðað rækilega

Í gær voru tölur hins opinbera kynntar. Þar kom fram að á Íslandi öllu urðu 1.132 slys með meiðslum í umferðinni hér á landi.  Í þeim slösuðust 1.658 manns.

Í skýrslu Einars hjá Sjóvá kemur hins vegar fram að á höfuðborgarsvæðinu urðu 13.700 óhöpp urðu á höfuðborgarsvæðinu árið 2007 og í þeim slösuðust 1800 manns.

Hér er umtalsverður munur á tölum um slasaða.

Miðað við það sem sá er hér skrifar hefur lesið undanfarin 10 ár slasast tvöfalt fleiri á hverju ári en opinberar tölur segja til um. Dagurinn í dag og dagurinn í gær staðfesta það nú eiginlega.

Miklabrautin tjónamesta gatan

Auglýsing á undan og eftir, öryggi í flugi

Umferðarstofa, eins og umferðarráð hér áður, reynir að láta líta út fyrir að slysum hafi fækkað. Vísað er í tölur og sagt að í raun hafi slysum fækkað miðað við ...... Bull og vitleysa. Þrátt fyrir að bílar í dag verndi fólkið miklu betur en fyrir 10 árum stækkar tollurinn með hverju ári. Það er óásættanlegt. Miðað við hvað bílarnir eru miklu betri þá er þessi útkoma í raun stóralvarleg og er áfellisdómur á árangur okkar í öryggismálum í umferð á vegum.

Við fljúgum oftar og lengra en áður með enn meira öryggi en áður. Þannig á það líka að vera.

Það er ekkert sem segir að með fleiri bílum á götunum eigi slysum að fjölga. Það er því ekki hægt að grípa í þær tölur og fá út að slysum hafi í raun fækkað.

ps, það er asnalegt að sjá mótorhjólamanninn hjálmlausann í þessari frétt.

Fleiri alvarleg umferðarslys

Dapurlegt

Það er dapurlegt að kaflarnir frá Vesturlandsvegi að Lögbergsbrekku annars vegar og frá Hveragerði til Selfoss hins vegar skuli þurfa að bíða. Þar er þörfin mest. Þessi vegabót er á röngum stað. Undarlegur forgangur.

Tvöföldun hefst 2009

Stórfurðulegt

Á margan hátt.

Ekki virðist hægt að hefja vegabætur á suðvesturlandi nema eitthvað verði líka gert í nágreni Akureyrar á sama tíma.

Það er þó enn furðulegra að lagfæringar á veginum á milli Reykjavíkur og Selfoss verða fyrst á miðri leið en ekki næst borginni og númer tvö næst Selfossi. Ástandið á þessum vegi frá Vesturlandsvegi að Lögbergsbrekku er til háborinnar skammar fyrir Vegagerðina og Samgönguráðuneytið. Svo er einnig hvað varðar veginn á milli Hveragerðis og Selfoss.

Ný göng og tvöföldun

Feluleikurinn loks viðurkenndur

Sýnileg löggæsla hefur verið talin leiðin til þess að fá fólk til þess að haga sér vel í umferðinni. Lögreglan hefur þó alltaf verið hálfpartinn í felum, við sýnilega löggæslu, en nú hefur skrefið verið stigið til fulls. Gott samt að lögreglan skuli loks viðurkenna feluleikinn.

Ómerkt bifreið mælir hraðakstur

Jæja, kominn tími á að hætta að blogga hér

Nú er farið að auglýsa hér til hægri og það er ekki ásættanlegt. Hættur að blogga hér, allavega.

Áhersla nýs meirihluta

Árið 2007 slösuðust og létust í umferðinni á Íslandi 1.523 einstaklingar. Þar af voru 62 hjólandi og 91 gangandi. Áhersla í umferðaröryggismálum nýs meirihluta í borginni snýr að hjólandi og gangandi. Umferðaröryggi fyrir 10% íbúa, er það nóg?

Gott

    Það er gott að öryggi gangandi vegfarenda í Reykjavík er skárra en áður. Því miður á þessi skýrsla bara við um gangandi vegfarendur og bara í Reykjavík.

    Aðrir vegfarendur er enn í sömu hættu og áður og jafnvel meiri.

    Banaslysum hefur fjölgað og alvarlegum slysum hefur fjölgað þegar horft er til heildarinnar. Það þarf að lesa svona fréttir með varúð, því þessi frétt fjallar ekki um heildin, aðeins um lítin og sennilega minnkandi hluta umferðar.

    Það væri hins vegar gott ef þeir sem ábyrgðina bera, skoði árangur í þessum málaflokki, og hvort ekki megi yfirfæra aðferðina á aðrar tegundir umferðar í Reykjavík og víðar. 

Alvarlegum slysum fækkar

Helmingur banaslysa af þeirra völdum

Það kemur fram á blaðsíðu 2 í Morgunblaðinu í dag að helming banaslysa árin 2005 og 2006 í umferðinni megi rekja til ölvunaraksturs.

Því eru svona fréttir eintómur hryllingur í mínum huga. Ömurlegt.

Ölvaðir bílstjórar

Aflmiklir bílar og nýliðar

Hvaða rugl er það að nýliðar í umferðinni fái að aka svona aflmiklum bíl. Engum í fluginu dettur það í hug að  nýliði þar fái F15 orustuþotu til að æfa sig á, með orðunum, farðu varlega!

Ég er fylgjandi lækkun aldurs fyrir ökuleyfi en því verður að fylgja að skel hæfi kjafti. Afl, þyngd og stærð tækis á að takmarka fyrstu árin. Ég þekki einn fjögurra ára sem á rafbíl. Bíllinn hæfir honum og umhverfið sem hann má vera á bílnum, líka. Hann er ekki hættulegur á þessum bíl.

Ég skora á þingmenn að skoða mögulegar breytingar í þessa átt, helst strax. 

Sautján ára á 212 kílómetra hraða